Napoli ka përforcuar kreun e tabelës në Serie A me fitoren e sotme (e shtunë) kundër Hellas Veronas.

Gjiganti italian ka siguruar tri pikë të plota në San Paolo duke mposhtur me rezultat 2 me 0 skuadrën e Fabio Pecchias në ndeshjen e zhvilluar në kuadër të xhiros së 20-të, shkruan portali arbresh.info.

Kalidou Koulibaly, i cili realizoi golin e epërsisë për skuadrën e Maurizio Sarrit (65′), është lojtari me notën më të lartë të ndeshjes. Mbrojtësi qendror është vlerësuar me notën 8.4.

https://twitter.com/sscnapoli/status/949670887002988546

Lorenzo Insigne është vlerësuar gjithashtu me notë të lartë pas asistimit (8.3), ndërsa autor i golit të dytë Jose Callejon është vlerësuar me notën 7.5.

Mbrojtësi shqiptar i krahut të djathtë te Napoli, Elseid Hysaj është vlerësuar me notën 7.3.

Lojtari me notën më të dobët është anësori i Veronas, Daniele Verde (5.8)./arbresh.info/